سجّل يا تاريخ

سجّل يا تاريخ

عَمْ تسمعني؟

...

ايه، منيح

سْمِعت إنّو في منظّمه وزّعِتْ هـَلْ فيروس عَلْ عالَم

قولك ليه؟   غريب!

وقال  بيِنصاب شخص وبيموت،

 بَسّ السبب  مَنّو الفيروس ،

طلِعْ مَرَض مُزْمِن

قولك عِمْلو إحصاءات بين لْ وفيّات سَّنويّي  سّابْئَه بِلْ أمراض لْ مُزمني، ولْ يوم؟

عِلمي عِلمَك

بسّ أنا سمعتْ إنّو فيروس طبيعي، وفي مِنّو أنْواع

مم

...

انْتَبَهت عَ شي مِتلي؟

قصة هالتباعد الاجتماعي   مِش خارطا بْ عقلي      

غريب

رح وَشوشَك فكره خطرتلي هلّأ

سمّعْني أفْكارك المجنونة      

هودي عَم يِخْتِبْرو نّاس

عمْ يبَعدُوون عَنْ بَعض إجتماعياً      

لَ يْغَيْرو لْ عالَم من مَيل

ويكتشفو لْ إنسان عن جديد بـِ زَمنّا هيدا

وْ يَعْملو إنْسان جديد

دَوَخْتني وْلو

وَضِّحْ أكْتَر

ماشي

عَمْ بيحَضّرو لْ بَشرِيّي لَ عالَم  رَقمي

من خلال التباعد الإجتماعي      

هَلْ حركة بِتْسَهِّلون لْ إنْطلاقَه 

أيْمتى يَعْني؟

نّاس،

 وَقْتا يصير عِنْدُن لّ قُدْره إنّو يِتْخَلّو عَنْ إشيا كانوا مفكّرين حالُن بيحبّوا

ويِبْعدو عن ناس كانو مفكّرين لْ  حياة مستحيلة  بَلاهُن

ويِشْتِغلو بطريقة فردية       

ويربّو لَ حالُن

وياكلو ويشربو ويسهرو ويفكّرو لَ حالُن...

بتعرِفْ

رَح يِسْتَفئدو لَ كتير إشيا

بالمقابل  كان في إشيا سَيّئا  لَ صحّتن النفسية والجسدية      

قولك   رح تخِفّ؟

انشالله

بَركي بيعيش لْ إنْسان أكتَر!

كلّ شي رَح يتأثَّر، الاقتصاد، الاجتماع، اللغة، الثقافة،

الأديان، الحالات النفسية      ...

لَي ما ئالولَك تْعَبّي إستماره لَ عُلَما النفس والاجتماع                 

يا خساره!

وِسّياسي ! لَيْ ما زَكَرْتا بِلْ أوّل؟

مين ئاري  السياسة  بِها زَّمَن؟

خبِّرْني بَسّ، عَ شو مرتكزين السياسيين الحاليين ؟

عَ شو؟

عَ

Social media

بَعْدا بِرَأيَك سياسة؟      

فيك تْسَمّيا

Siyesi Social

وَئتا  خَبّرَك شو رَح يصير، رَح تِفْهَم عْلَيّي أكْتَر

وِلْ أحلا إنّو يِمْكِن لّ إنْسان يستَرْجِعْ شْوَي حَياتو

آآآآآآآآخ

آخ

هَلْ مَرّا  عَنْجَد صعبة   خَبّرَ لّي بِبالي

خَبِّر خَبِّر

رَحْ نْصير أرقام      

نَعَم

شو رقم    ما رقم      

ايه، رح يصيرو ينادولنا عَ  الرقم      

ونِمْرُء منْ حَدّ بَعِض بلا ما نِحكي

ونُحْصَل عَ كتير أُمور بِكَبْسِه، أو بِلَمْسِة زرّ أو صورة      

حِلو كتير

ممممم

مَنّك عارِفْ شو ناطْرَك؟

أكيد حِلو، بَسّ ثمنه  غالي!!

تْخيَّل، بِكَبسِه زغيري، أو لمسة   أو كلمة      

بْتِخْسَر لّي بْنيتو من سنين!

رح يِسْتَعبْدَك

قولك  هَلْ إنسان رَحْ يتحمّل هَـ تّغيير؟

مممم

قرّب قرّب  لَ وَشوشك بعد شوي

هيدي حرب، فْهام

كيف بَدّك ياني سَجِّل كِلّ هَلْ إشيا وإنت كلّ لْ وَئت عَم بِتوشوش؟!

تّاريخ بْيِنكَتَب بصوت عالي

بَعِّد عَنّي وحكي جالِس

من عند كورونا رح جرّب قول   : " الدّنيي رح تتغيّر، إزا مش فعل إنساني هوّي فعل طبيعي، لاحقو تغيير كوني جذري. لوين رايحين؟ رح رَجّح وإحكي عن تغيير زغير ، حتّى لو كنّا بعاد شوي عنّو، رايحين على عالم رقمي بِ إمتياز، مِنشوف إنّو رح يريّحنا، صحّ، بسّ كمان رح يستبدّ فينا ويهدّد إنجازاتنا بـ "شريحه" زغيري ما بيتخيّلّا لْ عقل..."